Стечајците во Куманово незадоволни од решението на Владата

Лилјана Георгиевска, претседател на УНИТ вели дека и овој закон е селективен како оној во 2008 година и ќе опфати мал дел од стечајците, додека останатите пак ќе извисат.

 Во Куманово само мал број на стечајци ќе бидат опфатени со овој закон, едвај 2 отсто. Со законот на Стојан Стојанов пред 6 години беа обештетени само 11 стечајци. Во Куманово најголем проблем е што повеќето фирми што беа во државна сопственост сеуште не е завршена стечајните постапки или работниците останале без работа откако фирмата е приватизирана. Таа категорија на стечајци не е опфатена ни со овој законот, а ние бараме сите да имаме ист третман. Еве јас како поранешна вработена во ЗИК немам право за надоместот и здравственото осигурување затоа што не е завршена стечајната постапка - изјави Георгиевска.

Стечајците се разочарани што Владата ќе ги подели, бидејќи повеќето од нив не ги исполнуваат условите кои вчера ги наведе премиерот.

Јас сум работник од АД “Киро Фетак“, а од 2000 година стечаец. 13 години сум под биро за вработување, а имам 20 години стаж. Овој закон не ме опфаќа. Ние сме трета категорија граѓани за оваа држава, како да не постоиме - вели Ѓуро Митровски, стечаен работник.

Според премиерот се очекува со законот да бидат обештетени 3000 стечајни работници.

Георгиевска тврди дека во Македонија има 6000 стечајни работници.