Сточарите од Љубодраг утре повторно ќе протестираат, не даваат да им се уништат свињите кои немаат африканска чума

Тие обвинуваат дека целата постапка е многу нелогична, затоа што поминало толку време откако била откриена болеста во едно одгледувалиште, и тврдат дека сега ќе се уништуваат здравите свињи.

„Протестот ќе трае додека директорот на АХВ не го повлече решението за уништување на свињите, инаку издадено пред 6 месеци кога наводно во едно одгледувалиште во село Љубодраг е угината свиња од афричка чума. Од тогаш нема болни и угинати животни, и затоа нема да дозволиме екипите на АХВ и Ветеринарно-сточарскиот центар „Тодор Велков“ да влезат во селото, и ги повикуваме и жителите на околните села да ни се приклучат на протестот“, стои во соопштението од масната зедница на Љубодраг. 

Жителите на Љубодраг, Умин Дол и Ново Село протстираа и во октомври, поради истата причина, по што уништувањето на добитокот беше спречено.