Зачленете се во нашиот клуб на читатели и најновите текстови ќе ги добивате на вашата мејл адреса
Селските домаќинстава кои се занимаваат со рурален туризам ќе добијат субвенции од државата.
На јавниот повик „Субвенции за туристички цели на селски домаќинства“, можат да се пријават сите физички лица, кои вршат угостителска дејност.
Проектот предвидува на сопствениците на куќите да им се покријат 60 отсто од трошоците за оваа намена, под услов тоа да не е повеќе од 200.000 денари по домаќинство. Објектот мора да биде уреден согласно традицијата на крајот во кој што се наоѓа, како и да се служи храна вообичаена за тоа подрачје, да нуди услуги за сместување (најмалку до 5 соби), како и надворешниот изглед на куќата да биде без оштетувања и знаци на дотраеност.
Разгледувањето на апликациите и утврдувањето на исполнувањето на условитеод јавниот повик, Комисијата ќе го врши според принципот „прв пријавен-прв услужен“, се` до исцрпување на предвидените средства.
Оние кои аплицираат ќе треба да докажат дека инвестирале за оваа намена.
Краен рок за пријавување е 30 септември 2020 година.