Сузана Максимовска од ВМРО-ДПМНЕ - новa советничка во Советот на Куманово

Сузана Максимовска, од коалицијата на ВМРО-ДПМНЕ е нова членка на Советот на Општина Куманово.

На денешната седница беше верификуван нејзиниот мандат, по што положи свечената заклетва.

Максимовска е професорка по македонски јазик и литература во Регионалниот училишен центар „Киро Бурназ“ во Куманово. 

На советничата листа на последните локални избори беше на десетото место. Беше претседателка на Унијата на жени на ВМРО-ДПМНЕ Куманово.

Максимовска доаѓа на местото на Дејан Јовановски, кој само по две месеци си поднесе оставка поради работа во странство.