Светосавска академија за Денот на Србите

Со богата културно-уметничка програма за ликот и делото на „Свети Сава„ присутните гости, меѓу другите, ги поздрави и заменик министерот за култура Драган Недељковиќ.

„Свети Сава„ е многу значаен ден за Србите.„Свети Сава„ не е само црковен ден и школски празник, туку државен и национален празник на Србите во Македонија. Ние сме горди на тоа што само овде се празнува на тој начин, што не е  случај во нашата матична држава. Горди сме на тоа што сме државјани на Македонија од српска етничка заедница и што го имаме нашиот празник- рече Недељковиќ.   

На присутните им се обратија и Гордана Стојковска, Горан Зафировиќ и Весна Бабиќ- Петровска. Со рецитали и музички точки се претставија уметници и ученици од Куманово, Старо Нагоричино и Белград.

На прослвата присуствуваа пратеникот Иван Стоилковиќ, градоначалникот Миодраг Јовановиќ, директорот на ГА-МА Горан Стојковиќ, советниците Емилија Томиќ и Небојша Томовиќ  и др.

Како државен празник на Србите во Република Македонија „Свети Сава„ се обележува 5 години. Годинешнава прослава се одвива под покровителство на Владата. Во светосавската недела се одржуваат манифестации во сите населени места каде што живеат Срби, паралелно во училиштата, црквите и културните институции.

Централната прослава на „Свети Сава„ ќе се одржи вечерва во Скопје во Македонската опера и балет. На прославата најавено е присуството на претседателот на Република Српска Милорад Додик и претседателката на Парламентот на Србија  Славица Ѓукиќ Дејановиќ.