Зачленете се во нашиот клуб на читатели и најновите текстови ќе ги добивате на вашата мејл адреса
Во рамки на Недела на безбедност на моторциклисти во сообраќајот, денеска во СВР Куманово, отсекот за превенција и мото клуб “Мечки“ организираа предавање за моторциклистите.
Апел до сите учесници во сообраќајот да ги почитуваат моторциклистите бидејќи тие се специфични возила и бараат соодветни услови за движење во сообраќајот - изјави Виолета Богдановска од отсек за превенција.
Шеснаесет возачи на моторцикли кои биле затекнати од полицијата дека не носат кациги, денеска присуствуваа на предавањето. Тие беа запознаени со повредите со кои можат да се здобијат доколку направат сообраќајна несреќа, а не носат кацига. За неносење кацига следува казна од 35 евра.
- Може да се здобиете со повреди на главата, екстремитети и други тешки телесни повреди. 90 отсто од несреќите се случуваат во урбани средини, а 10 отсто на отворен пат - рекоа од “Мечки“.
Во недела напладне во центарот на градот ќе има ревијално возење на моторцикли со заштитна опрема на кое можат да се вклучат и граѓаните.
Зачленете се во нашиот клуб на читатели и најновите текстови ќе ги добивате на вашата мејл адреса
