Зачленете се во нашиот клуб на читатели и најновите текстови ќе ги добивате на вашата мејл адреса
Околу 200 таксисти ќе членуваат во новиот такси синдикат што ќе се организира во рамките на Регионалниот синдикален совет во Куманово. Во синдикатот за почеток ќе се зачленат 7 здруженија од вкупно 11 колку се регистрирани на територијата на Општина Куманово.
Минатата недела имавме изборен состанок на кој беа изберени претседател и телата на синдикалната организација. Претседател е Александар Живачки, а негов заменик е Момчило Тасевски. Основна цел на ова синдикално здружување на таксистите е да се заштитат нивните права и да се помогне во решавање на одредени проблеми во нивната фела- вели Миле Спасовски, претседателот на Регионлниот синдикат.
Приоритет во решавањето на проблемите е сузбивањето на нелојалната конкуренција и обележувањето на такси постројките. Веќе е остварена средба на синдикатот со претставници од Локалната самоуправа, а деновиве ќе се сретанат и со претставници на СВР Куманово.
Зачленете се во нашиот клуб на читатели и најновите текстови ќе ги добивате на вашата мејл адреса
