Традиционална ликовна изложба “Самоуки 2025“ во Куманово
Во Изложбениот салон на Центарот за култура “Трајко Прокопиев“ - Куманово, утре во 20 часот ќе биде отворена традиционалната ликовна изложба “Самоуки 2025“.
На изложбата ќе бидат претставени 39 дела во форма на слики и цртежи изработени од 17 автори.
„Целта и идејата на оваа изложба е претставување на кумановските неакадемски уметници пред пошироката јавност, но, воедно, и развивање на афинитети кон визуелните уметности, едукација и презентација на едно запоставено творештво коешто претставува едно локално богатство и заслужува да биде споделено со ликовната публика. Потребата за традиционално
организирање на ваков вид на изложби од страна на НУ Центар за култура – Куманово беше утврдено уште на почетокот на деведесеттите од минатиот век а дојде како резултат на иницијатива на повеќе наши сограѓани – неакадемски
уметници коишто имаа зад себе сериозна ликовна продукција. Искуствата низ годините покажаа дека оваа изложба освен тоа што има одреден квалитет и естетско ниво дека истата може да биде и многу масовно посетена“, вели Роберт Цветковски, историчар на уметноста.
Изложбата ќе биде поставена до 26.06.2025 г. поддржана е од Министерство за култура и туризам
на РС Македонија.
НАЈНОВИ
-
ЗНАМ организира кродарителска акција во Куманово
-
Заменик министерот за внатрешни работи Исени во посета на СВР Куманово и Матејче
-
Флекс Кредит одбележува 5 години постоење со наградна игра: „Признавам – не можам без тебе”
-
Годишен концерт на КУД „Панче Пешев“ во Куманово
-
Татко пријавен за обљуба на малолетна ќерка
-
Се одржа јавна расправа за измена на ДУП-от кај ЧИК, најмногу прашања за пристапните улици до „Лидл“
