Зачленете се во нашиот клуб на читатели и најновите текстови ќе ги добивате на вашата мејл адреса
На Градскиот плоштад во Куманово денеска од 18 до 21 часот ќе се одржи летниот караван на ФК Црвена Звезда, на кој пред навивачите и љубителите на спортот ќе бидат претставени трофеите на клубот .
„Караванот ја носи двојната круна освоена од првиот тим на ФК Црвена Звезда годинава, како и пехарот од Бари. Сите посетители ќе имаат можност да се фотографираат со пехарите. Тричасовната дружба ќе биде збогатена со музика и дружење на фановите и постарите навивачи на Црвена Звезда со најмладите кои штотуку ја откриваат својата љубов кон клубот“, вели Емил Ташевски, организатор на манифестацијата во Куманово.
На настанот официјално се поканети и звездините легенди од овиe простори Дарко Панчев, Илија Најдоски, Митко Стојковски и Перо Антиќ.
Големиот летен караван на Звезда за прв пат доаѓа во Македонија.
Зачленете се во нашиот клуб на читатели и најновите текстови ќе ги добивате на вашата мејл адреса
