Ученици од „Наце Буѓони“ презентираа проекти пред претседателот Иванов

По повод „Ден на науката“ беше организирана изложба во Народна канцеларија на претседателот во Скопје, во организација на Народна Техника на Македонија.

Нашите ученици со најуспешните трудови од оваа година, Милан Поповски со проектот „Мешалка на прехранбени бои“ со менторот Александар Цветков и Дамјан Петровски со проектот „Модел на Холограм“ под менторство на Катерина Ѓорѓиевска, со големо задоволство ги презентираа своите трудови пред претседателот - велат од “Наце Буѓони“.

Настанот имаше повеќе од 600 посетители од Министерството за образование и наука, ученици и наставници од основни и средни училишта во Македонија, како и љубители на науката и техниката.