Зачленете се во нашиот клуб на читатели и најновите текстови ќе ги добивате на вашата мејл адреса
Учениците од училишната сообраќајна единица од Основното училишта „Толи Зордумис“ од Куманово, во рамките на одбележување на Неделата на безбедност во сообраќајот, денес ја посетија полициската станица во СВР Куманово, каде се запознаа со работата на полицијата.
Како што објаснува началничката на превенција на СВР Кумaново Виолета Богдановски, учениците најмногу се заинтересирани за работа на крим техника и сообраќајна полиција, а заедно со полициските службеници ќе учестуваат на терен во контрола и регулирање на сообраќајот.
„Учениците со полициските службеници ќе учествуваат во контрола и регулирање на сообраќајот при запирање на возила од наши службеници, ќе им поделат флаери и приврзоци подготвени за оваа намена на возачите и другите учесници во сообраќајот. Инаку, следуваат и други активности, делумно се со посета на СВР, други се со превентивни акции на терен и со едукативни содржини наменети за ученици од основни и средни училишта се` со цел за поголема безбедност во сообраќајот и не само тоа туку воопшто и во безбедноста на младите. Многу работи им се познати, тоа е знак на добрата работа и на наставниците а и на честите едукативни предавања коишто наши службеници ги спроведуваат,“- вели началничката Богдановски.
Целта на одбележувањето на Неделата на безбедност во сообраќајот е за да се упрати порака до сите учесници во сообраќајот за поголема сообраќајна култура, како и почитување на сообраќајните прописи за да се постигне поголема безбедност за сите.
Зачленете се во нашиот клуб на читатели и најновите текстови ќе ги добивате на вашата мејл адреса
