Училиштата во трка за грант од УСАИД

Просветните работници објаснуваат дека треба да потполнат апликација, да добијат согласност од родители, училишен одбор, локална самоуправа, невладин сектор за она што сакаат да го реновираат во училиштето. Тие велат дека ова е само еден дел од програмата на УСАИД за интегрирано образование.

 Сумите не се многу големи, но за училиштето секој денар е важен. Еден од начините да се реновира школата е да се аплицира на проекти. Училиштето може да се досреди, да се разубави. Апликацијата е сложена. Мислам дека повеќето основни училишта ќе конкурираат за грант - додаваат нашите соговорници.

За четири години планирано е 40 училишта да добијат грантови, односно по 10 училишта секоја година ќе добијат пари за реновирање. Слична помош дел од училиштата искористиле пред неколку години.