Зачленете се во нашиот клуб на читатели и најновите текстови ќе ги добивате на вашата мејл адреса
Остануваат уште 15 дена во кои фирмите треба да се регистрираат и да мигрираат кон новиот систем на е-даноци.
Од 1 јули фирмите треба електронски да пријавуваат даноци до сервисот на УЈП. Уште 5.481 фирма треба да се регистрира, а 12.059 да мигрираат кон системот на е - даноци.
На шалтерите во УЈП повеќе нема да се примаат ДДВ-пријави и Даночни биланси за данок на добивка во хартиена форма. Доколку фирмите не се прилагодат на новините во даночното работење, истите нема да можат навреме да ја поднесат ДДВ-пријавата во УЈП, за што е предвидена глоба која достигнува до 3500 евра во денарска противвредност. 12.059 правни лица и самостојни вршители на дејност кои моментално се корисници на стариот систем на е-Даноци, задолжително ќе треба да мигрираат на новиот систем на електронски услуги на УЈП - вели Маре Данкова, портпарол на УЈП Дирекција Штип.
Постапката за миграција е едноставна и се врши електронски преку веб страница. За сите нејаснотии граѓаните можат да се обратат во Инфо центарот на телефонот 0800 33 000.
Зачленете се во нашиот клуб на читатели и најновите текстови ќе ги добивате на вашата мејл адреса
