Велосипедист повреден во сообраќајка на „Никола Тесла“

Несреќата се случи во 10.30 часот, по што повредениот велосипедист со возило на Брза помош е пренесен во Општа болница Куманово, а оттука е упатен во Скопје за операција.

Донесен е 65-годишен маж повреден при пад од велосипед. Има скршеница на лева надколенична коска, други повреди не евидентирав. Човекот е во свесна состојба, компатибилен и вон животна опасност. Пациентот мора да биде опериран, нема остеосистемски материјал за тој тип на операции па ќе го пратиме во Скопје на клиника - изјави Методија Димковски, началник на хирургија во Општа болница Куманово.

Увид на местото на несреќата изврши екипа на СВР Куманово.