Високите зони повторно без вода

  Без вода за пиење се жителите на Черкеско село, населбите Карпош, Перо Чичо и Пчински пат.

Повеќе од 10 дена немаме вода. Жителите се нервозни особено што е во време на пост. Бараме што побрзо да се реши проблемот или најавуваме граѓанска непослушност и блокирање на патот кон Скопје,- изјави претседателот на месната зедница на Черкеско село Фадиљ Шабани. 

Од јавното претпоријатије “Водовод“ обвинуваат дека Водостопанство “Кумановско-липковско поле“ го затворило “бај пас“ водот, и затоа немаат Перо Чичо, како и Пчински пат немаат вода.

“ Ова не е прв пат. “Бај пасот“ е вклучен од април месец. Многу е симптоматично што истото се случи и минатата година исто време“-изјави Горан Стојковски, директор на “Водовод“.

Од Водостопанство “Кумановско-липковско поле“ ги отфрлаат обвинувањата на Стојковски дека “бај пасот“ е затворен, тенденциозно и политички.

“Дамјановски го уништува Водостопанство “Кумановско-липковско поле“ кое врши дотур на вода до комуналното претпријатије и ги чува количините вода во акумулациите години наназад. Доколку ваквиот однос продолжи , можно е да дојде до празнење на акумулациите и реално тогаш ќе има проблеми“-рече Филип Филиповски, директор на Водостопанство “Кумановско-липковско поле“.

Филиповски вели дека имаат дефекти кои не можат да ги санираат, а за ваквото функционирање на Водостопанство ја обвинува општината и градоначалникот Зоран Дамјановски.