×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Владата ќе исплати 5,7 милиони евра помош на угостителските објекти кои во април беа затворени

    08.06.2021 18:31 | KumanovoNews

    Угостителските објекти кои во месец април беа затворени поради ковид мерките ќе добијат помош од Владата во вкупна вредност од 5,77 милиони евра.

    Владата ќе исплати 5,7 милиони евра помош на угостителските објекти кои во април беа затворени

    На денешната владина седница, усвоена е одлуката со која е овозможена поддршка за вкупно 2.204 компании од угостителската дејност, коишто со одлука на Влада, беа затворени во периодот од 6 до 27 април, или вкупно 21 ден.

    „Компаниите од угостителската дејност имаа можност да се пријават на отворениот повик за финансиска поддршка, пришто од вкупно 2406 пристигнати апликации, 2204 се целосни, додека 202 апликанти, не се со соодветна шифра на дејност, или имаа регистрирано подружници под една од споменатите шифри. Вкупната поддршка на сите компании, врз основа на просечниот месечен приход за 2019 и 2020 година, на кој се аплицира износ од 30 % помножен со бројот на денови во кои овие компании беа затворени во април оваа година, изнесува 183.891.911 денари, или околу 3 милиони евра. Дополнително, секоја од компаниите добива и поддршка по 15. 200 денари за секој вработен според ефективните работни часови. Од апликациите е утврдено дека станува збор за 11.236 вработени, односно по овој основ компаниите ќе бидат поддржани со 170.784.920 денари или околу 2,78 милиони евра“, соопштува Владата.

    Вкупната финансиска поддршка за сите 2204 компании кои ги исполниле условите на јавниот повик е во износ од 354.656.831 денари или 5,77 милиони евра.