Зачленете се во нашиот клуб на читатели и најновите текстови ќе ги добивате на вашата мејл адреса
Владата на денешната седница донесе одлука спортската сала во Куманово и другите спортски објекти, кои дваесетина години беа под под концесија од приватни фирми, да се вратат на Општина Куманово.
На општините Карпош и Кисела Вода им се враќаат спортските сали „Партизан” и „Расадник“ , а спортската сала „Кале“ ќе и биде дадена на трајно користење на Кошаркарската федерација.
„Со овие одлуки, спортските сали се враќаат во владение и на управување на општините и стануваат поблиску до граѓаните и до спортските клубови во локалните заедници со што се отвораат можностите и потенцијалите за нивна поголема искористеност и за развој на спортот и физичката култура“, - стои во соопштението на Владата.
Спортската сала, градскиот стадион, салата Соколана и градското стрелиште, за жал, се делумно или целосно руинирани, па Општината ќе треба многу да инвестира за да ги стави во функција.