Зачленете се во нашиот клуб на читатели и најновите текстови ќе ги добивате на вашата мејл адреса
Од Унијата на млади сили на ВМРО - ДПМНЕ велат дека заради неодговорноста на локалната власт низ градот се шетаат кучиња скитници кои се опасност за граѓаните.
Тие тврдат дека добиле поплаки од револтирани граѓани кои се плашат дека ќе бидат нападнати од глутница кучиња.
Проблемот со кучињата скитници, кои се секојдневен декор по кумановските улици никако да биде решен. Наместо истите да бидат соодветно третирани во еден стационар со пропишани стандарди, тие слободно се движат по улиците на “Европско“ Куманово и претставуваат закана и реална пречка за нормално функционирање на животот во градот. Решавањето на овој проблем е должност и обврска на градоначалникот на Куманово, но за жал како и за многу други проблеми “ич око не им трепнува“- изјави Злата Бојаџиева, член на ОК на УМС на ВМРО - ДПМНЕ.
Таа додава дека и покрај ветувањата досега не е изграден стационар ниту какво било прифатилиште за кучиња. На конференцијата за печат беа покажани фотографии направени последнава недела и тоа кај Зелен пазар, зад зградата на Комитет, кај Гарнизон и други локации каде кучињата се присутни.
Зачленете се во нашиот клуб на читатели и најновите текстови ќе ги добивате на вашата мејл адреса
