Зачленете се во нашиот клуб на читатели и најновите текстови ќе ги добивате на вашата мејл адреса
За да се надмине политичката криза, од ВМРО - ДПМНЕ предлагаат да им се даде рок на опозиционерите до 3 март за поднесување на кандидатури за градоначалници и советнички листи.
Ако СДСМ денеска го прифати овој предлог, утре на итна седница Собранието на Република Македонија би ги усвоило измените на Изборниот законик, предложија од ВМРО - ДПМНЕ.
Оваа постапка би се овозможила со интервенција во преодните и завршни одредби на Изборниот законик и би се однесувала само за овие локални избори. Во врска со настаните од 24 декември, ВМРО-ДПМНЕ предлага формирање Комисија која би имала надлежност да ги утврди сите причини, аспекти и настани кои доведоа до конкретната ситуација, по примерот на сите демократски држави каде секогаш се формираат комисии после случување на слични настани. Исто така, како што веќе се изјаснивме, за ВМРО-ДПМНЕ е прифатлива и опцијата, односно предлогот кој го понуди претседателот Ѓорге Иванов - изјави министерот за финансии Зоран Ставрески.
Тој смета дека нивниот предлог до опозицијата е конструктивен, и решавањето на кризата ќе придонесе за евро - атланските интеграции на Македонија. Ставрески се надева дека опозицијата ќе се врати во Собранието каде ќе се води политички дијалог за важни прашања.
Зачленете се во нашиот клуб на читатели и најновите текстови ќе ги добивате на вашата мејл адреса
