ВМРО-ДПМНЕ: Во Куманово нема реформи
Од ВМРО - ДПМНЕ денеска го обвинија градоначалникот Зоран Дамјановски дека ништо не направил за Куманово, дека градот нема кино сала ниту стара градска архитектура.
Ве прашуваме по што Куманово е препознатливо, по која област во културата. Дали е туристичка атракција центар со еден споменик, илјадници руинирани фасади. Зборувате за Куманово како за слободарски град, за неговото културно - историско минато, прашањето е што направивте вие како прв човек на градот да го афирмирате ова наше културно - историско наследство. Дали Куманово може да се спореди со било кој град во државата и во кој дел се зборува за реформи и напредок? - праша Емилија Арсовска Николовска, портпарол на ВМРО - ДПМНЕ ОК Куманово.
Таа потсети дека пред извесно време Дамјановски повикувал на отпор, а сега барал поддршка за доброто на граѓаните.
