Зачленете се во нашиот клуб на читатели и најновите текстови ќе ги добивате на вашата мејл адреса
Учениците од основното училиште “11 Октомври„ подготвуваат театарска претстава за животот и културата во ромската, српската и македонската заедница.
Интеркултурниот театар ќе ни покаже свадба организирана според трите различни култури, македонска, српска и ромска и обичаите кои се практикуваат на свеченоста. Ќе има музички нумери кои се карактеристични за секоја од културите и тие ќе траат од 5 до 7 минути. Во тој период групи од по 15 ученици костимирани како свадбари без зборови ќе ги претстават обичаите, традицијата и обредите. Сцена ќе ни биде училишниот хол и училишната градина кои ќе бидат адекватно уредени - велат од училиштето.
Проектот треба да го поттикне заедништвото, еднаквоста, да можат децата да се спротивстават на предрасудите, и да промовираат толеранција.
Драмата ќе биде изведена во почетокот на мај. Проектот е поддржан од УСАИД и Фондација отворено општество Македонија.
Зачленете се во нашиот клуб на читатели и најновите текстови ќе ги добивате на вашата мејл адреса
