Во градинката донација „Од дете за дете“

Донацијата од облека, играчки, детска литература денеска беше предадена на вработени од Центарот за социјални работи Куманово и оттука ќе биде доставена онаму каде има потреба од помош, Проектот “Од дете за дете“ е поддржан од Министерството за труд и социјална политика и ќе се реализира и во иднина.

Оваа донација се состои од облека, обувки, детска литература и други помагала што се потребни на децата. Спроведени се две акции во јуни и во октомври оваа година, при што се соберени околу 2120 разни видови на облека, прилагодена според временските промени, летна, зимска. Имаме околу 113 детски играчки, 101 детски обувки, патики и ред други работи. Имаме помагала како чанти, капи, шалови, боенки, сликовници, сè што ќе им треба на деца кои се од ранлива категорија - изјави Лидија Николовска Георгиевска, координатор на проектот.

„Од дете за дете“ втора година се спроведува во градинката. Целта е кај децата да се поттикне хуманоста и солидарноста. Градинката ќе организира аукција на слики и цртежи, а собраните средства ќе одат во хуманитарни цели.