Во Куманово 170 кривични дела извршиле малолетници

Во текот на 2013 година во Куманово се регистрирани 170 кривични дела извршени од малолетници, покажува полициската статистика.

Меѓу покарактеристичните случаи се 2 групи составени од вкупно 9 малолетници кои ограбиле 4 мигранти заканувајќи им се со пиштол, а во  извештајот се наведува и еден случај на насилно однесување на млади кумановци.

Во 95 отсто од случаите сторители се момчиња, а девојчиња има многу помалку и се гонат претежно за кражби.

По малолетничката деликвенција пред нас се само Скопје и Штип, додека во Струмица, Битола, Тетово, Охрид и Велес бројот на малолетници со кривични пријави е помал.

На ниво на Македонија во последниве 5 години благо се намалува малолетничкиот криминал.