Во Куманово наврнаа 10 литри дожд на метар квадратен

Најмногу дожд 20 л/м2 падна во Крива Паланка, Виница и Струмица, 16 во Штип и Кавадарци, 14 во Битола и Берово, 13 во Тетово, Прилеп, Крушево и Попова Шапка, 11 во Тополчани, 10 во Скопје-Петровец и Куманово, 9 во Претор, 8 во Демир Капија, 7 во Скопје-Зајчев Рид, 6 во Велес, 5 во Охрид, Гевгелија, Лазарополе и 4 Маврови Анови.

Времето денеска ќе биде променливо облачно и свежо со повремени врнежи од дожд, пообилни во југоисточните делови (над 25 l/m²). До крајот на денот врнежите ќе престанат. Ќе дува умерен до засилен северен ветер (наместа над 70 km/h), особено долж Повардарието. Дневната температура ќе биде во интервал од 11 до 17 степени.

Во Скопје и околината, променливо облачно и свежо, претпладне со повремен дожд. Ќе дува умерен, во делови од котлината повремено засилен северен ветер. Дневната температура ќе достигне до 16 степени.