Во септември уписи во музичкото училиште

Првиот рок заврши во месец мај. Учениците можат да се запишат во групите за пијано, виолина, кларинет, хармоника, гитара, труба и пеење.

Во учебната 2012/2013 година имавме 23 паралелки, а за учебната 2013/2014 година планирано е по новата програма да имаме 25 паралелки со што вкупниот број на ученици ќе биде до 300. Ќе се соочуваме со недостиг на простор, кабинети бидејќи бројката на ученици расте, но ќе се координираме за да функционираме правилно  и да наставата се одвива редовно - вели директорката Ивана Андоновска Свилар.

Децата кои ќе се запишат во прво одделение ќе изучуваат солфеж и теорија на музика, а по полагање на завршен испит ќе се одлучат за изучување на некој од инструментите во следните одделенија.