Во српски мерцедес најдени 152.000 евра
Царинските службеници од Одделението за оперативни работи во соработка со Министерството за внатрешни работи, пред три дена при контрола на автомобил со српски регистарски ознаки во специјално направен бункер пронајдоа 152.395 евра.
Околу 20 часот на граничниот премин Табановце на излез од Република Македонија, е запрено возило марка MERCEDES E220 со српски регистарски ознаки управувано од српски државјанин од Прешево. При детална царинска контрола на возилото, во долниот делот зад предната регистарска табличка, пронајден е специјално направен бункер од каде се извадени 152.395 евра.
Согласно Законот за девизно работење, на лицето му се вратени 10.000 евра, износ кој нерезидент може слободно да ги изнесе од државата без да ги пријави, додека останатите 142.395 евра се привремено задржани и депонирани во Трезорот на Народна банка на Република Македонија.
Против него ќе бидат преземени соодветни мерки.
НАЈНОВИ
-
Меѓународниот боксерски турнир „Мирослав Петровиќ“ ќе се одржи викендов на Градскиот плоштад во Куманово
-
Во тек е исплатата на правата од социјална и детска заштита за мај
-
Бесплатни вреќи обезбеди „Чистота“ за ѓубрето од градските гробишта
-
Се сечат дрвја и се расчистува теренот за доизградба на дел од „Октомвриска револуција“
-
ЗНАМ и ВМРО-ДПМНЕ изгласаа уште еден спорен ДУП, овојпат за поставување на фотоволтаици на 50 метри до куќите во Бедиње, кажа Мургашанска
-
Десет медали освоија гимнастичарите на „Атлета“ на Државно првенство во Скопје
