Волци задавиле 14 овци во трло во Романовце

Крволочните животни влегле во дворот во текот на ноќта без никој  да ги забележи, и ги задавиле овците.

Брат ми кога тргнал на работа ги нашол овците расфрлани во дворот и трлото. Во моите 35 години ова првпат се случува волци да дојдат во центарот на селото и да удават овци во трло. Причинета  е матерјална штета над 1500 евра, бидејќи се работи за овци кои требаше наскоро да се ојагнат- вели сопственикот Оливер Митковски.

 Жителите на селото се жалат дека често во полето гледаат волци како се шетаат, а имало случаи кога им ги напаѓале и кучињата.