“Врама си“ им помага на слабите ученици

 Помошта ја користат ученици од различни националности од ОУ“Браќа Миладиновци“, ОУ“Крсте Мисирков“ и ОУ“Христијан Карпош“.

Има резултати, децата успеваат да ги поправат оценките. Многу од децата од ромска националност кои беа наши корисници се запишаа во средно образование, а оние од предшколска возраст сега се во основно. Оваа едукација е од голема помош бидејќи има родители кои се зафатени со работа, имаат материјални проблеми или не знаат да им помогнат на децата, бидејќи не ја познаваат материјата. Се работи интерактивно, тимот е со едукатори од кои некои имаат искуство и по девет години. Децата доаѓаат во текот на работното време, зависно како им се смените, а помалите ние ги земаме. Работиме по наставна програма, имаме и месечен план до кој се придржуваме - изјави Анета Додевска, администратор во “Врама си“.

Таа објаснува дека над 90 деца се вклучени во проектот кој го финансира Детската фондација Песталоци, а 200 деца се дел од проектот кој е поддржан од УСАИД.