“Зад кулисите“ премиерно во Кумановскиот театар

Во преставата играат: Мартин Лазаревски, Нина Максимова, Кети Дончевска Илиќ, Горан Илиќ, Антонио Пешевски, Александра Пешевска, Александра Михајловска, Јасмина Василева, Марко Трајковиќ и девет актери, членови на Здружение на пензионери Куманово.

“Го одбрав “Зад кулисите“ не само да ја раскажам приказната во текстот, туку и се што се случува и што е зад кулисите. Не само она што се случува позади сцена кога подготвуваат претстава, туку и внатре што сакаат да направат, а не направиле, кои ликови сакаат да ги играат, а не ги играле, какви сцени би сакале да прават. Во самата претстава се менуваат жанрови. Почнува како комедија,,па има транзиција во нешто друго, па завршува како нешто трето и доста е слоевито“- изјави Радиноска.

“Зад кулисите“ е комична драма на Фрејн за еден театарски ансамбл, составен да создаде профитабилна претстава, но нивните лични мотиви, љубовни врски, амбиции и фрустрации го водат овој обид во сè поизвесен крах.