Заврши мерката за ограничени маржи, ќе има ли зголемување на цените

Таа беше донесена во февруари годинава и трае заклучно со 30 април.

Бесар Дурмиши, министер за економија и труд истакна дека мерката дала позитивен резултат. Според него, повикувајќи се на официјални податоци, во март има намалување на цените од 1,3 посто во делот на храна и пијалоци, а и податоците за април укажуваат дека трендот на поевтинување продолжува кај ова група на производи.

На почетокот на февруари маржите на 102 групи на производи беа ограничени на 10 проценти, а беа утврдени и највискои цени за 8 групи на прехрамбени производи. Во меѓувреме, на средината на месецот стапи на сила и Законот за заштита на потрошувачите и уредбата трговците на мало јавно да ги објавуваат цените на своите веб страни, кои треба да се ажурираат секојденвно до 10 часот.

Надлежните смируваат дека од 1 мај инспектори на Државниот пазарен инспекторат ќе вршат засилени контроли на терен. Доколку има енормно зголемување на цените се најавуваат поригорозни мерки за трговците, добавувачите и производителите.