Земјоделците да ги заштитат овошните насади

Најстариот начин да се заштитат дрвцата е да се запали слама покрај стеблата. Треба да се внимава да не биде сламата сува, и да не биде многу блиску, да не ги изгори дрвцата. Пожелно е огнот да се запали од северна страна. Треба да се формира завеса од чад, и тоа минимално може да ги заштити пупките на овошките. Втор начин е со распрскувачи, ако се пуштат, тогаш водата околу овошката прави обвивка која замрзнува и го штити плодот. Ризично е ако има оформен плод, тој содржи во себе вода и ќе измрзне. Сега расцветани се бадемите, кајсиите, за разлика од јаболката кои цутат во мај - вели Стојко Ивановски, секретар во Здружение на земјоделски производители Куманово.

Тој објаснува дека температурите под нулата ако се задржат неколку часа можат да ги оштетат плодовите, а обично по полноќ температурите се спуштаат под нулата.

Постојат и други начини за заштита на овошни дрвца, но тие се далеку помодерни, поскапи и кај нас многу ретко се употребуваат.