Зачленете се во нашиот клуб на читатели и најновите текстови ќе ги добивате на вашата мејл адреса
Жена на 57 години од Куманово е прв смртен случај од коронавирус во земјава, а нејзиниот син е позитивен на коронавирусот, информираше министерот за здравство Венко Филипче.
- За жал го имаме и првиот смртен случај, кој постхумно е дијагностициран во Куманово. Се работи за жена која имала 57-години. Согласно приемот и треманот колегите постапиле согласно протоколот за изолација, навремено се земени два теста и двата покажале негативни резултати. Поради тоа што болеста била типична за коронавирус таа била третирана во изолација. Тој период на хоспитализација траел минатата недела во Општата болница во Куманово, а брис повторно е земен после констатација на смртта, во текот на вчерашната вечер, и тој бил позитивен. Брисот е земен заради наглото влошување на состојбата, заради тоа што тое е нетипично за друга болест, заради што колегите повторно се посомневале. Заедно со неа е хоспитализиран и нејзиниот син кој има 33 години, 2-3 дена после неа во текот на минатата недела, вчера настанало влошување на состојбата и тој е префрлен на одделот за изолација, а потоа на Клиниката за инфективни болести во Скопје, хоспитализиран е и се наоѓа во стабилна состојба,- изјави Филипче, на денешната прес-конференција.
Жената била на патување во Италија.
Во изминатите 24 часа регистирани се 29 случаи на заболени од коронавирусот во земјава.