Жестока расправа за општинскиот буџет

Советниците од ВМРО-ДПМНЕ сметаат дека во поглед на капиталните инвестиции има сериозно заостанување. Според нив 20 проценти исполнетост на буџетот не е доволна и во идеални услови, а би требало за три месеци да изнесува 25%.

Буџетот е основна алатка за исполнување на визиите на еден градоначалник. За неполна година граѓаните ќе си кажат колку се задоволни од сработеното - изјави Стефан Трајановски, советник на ВМРО-ДПМНЕ.

Градоначалникот потенцираше дека во моментов се работи на 29 нови проекти кои се финансирани со општински пари. Направени се 70 улици, 3 раскрсници и решен е проблемот со атмосферската канализација.

Трајановски направи коментар за 7 годишно работење, а не за три месеци. На оваа исполнетост на буџетот може и Владата да ни позавиди, бидејќи постојано се задолжува - одговори градоначалникот Зоран Дамјановски.

Првиот човек на општината додаде дека дотациите доцнат и дека од нив не добиле ниту 10 одсто. Фактот што општината нема одговор од Министерството за финансии за одобрување на кредит го смета за политичка одлука. На седницата со 18 гласа за беше изгласан извештајот за извршување на буџетот во првиот квартал од годината.

                             С.А.