Зградите кај “Чик“ немаат вода, инвеститор ја сопира кога сака

Граѓаните се обратиле до јавното претпријатије “Водовод“ и општината, но велат дека нивниот проблем не е решен.

“Бараме конечно да се реши овој проблем кој е иритирачки. Во ова време да се нема вода, доаѓа околу полноќ,  ја снемува во утринските часови или околу 10 часот“-вели жител на оваа улица.

Од “Водовод“ негираат дека проблемот трае неколку месеци. Претходно вода немало затоа што со тој проблем се соочуваа сите граѓани, заради недоразбирањата со Водостопанство Кумановско-липковско поле.

“Не се работи за неколку месеци, пократок период е. Таму има инвеститор кој гради зграда и на своја волја ја стопира водата. Преземени се мерки, укажано му е и проблемот ќе се реши“-вели Горан Стојковски, директор на “Водовод“.

Станарите од “ЈНА“ мислат дека се работи за дефект кој не е саниран од “Водовод“.