Зачленете се во нашиот клуб на читатели и најновите текстови ќе ги добивате на вашата мејл адреса
Доколку се` уште не сте одлучиле во кој книжевен свет ќе нурнете оваа недела, нашата препорака ќе биде класикот „Оркански височини“ на Емили Бронте. Сестрите Бронте до ден денес држат култен статус во литературата, а единствениот роман на Емили се смета за сериозна конкуренција (ако не и надминување) на познатиот „Џејн Ер“ на Шарлот Бронте.
Интригантниот стил и ненадминливата оригиналност во изразувањето на најприродните човечки емоции е она што ќе го направи овој роман дело кое нема да го заборавите. Фабулата се наѕира и од насловот, орканските височини во себе носат и буквално значење на карпестиот терен, Јоркшир, во кој се случува дејството од делото, но и изразена метафорика на турбулентен,
“карпест“ психолошки период. Од уметноста, од која реалниот живот црпи инспирација, јасно ни е дека најстрасните, најпотресните и најслатките љубови се токму оние кои се недозволени или попречени. Приказната за Кетрин и Хитклиф, со сите успони и падови, сите стресни слики, но и оние нежните – со сигурност ќе разбуди нешто во вас и загарантирано нема да останете рамнодушни.
Зачленете се во нашиот клуб на читатели и најновите текстови ќе ги добивате на вашата мејл адреса
