Зачленете се во нашиот клуб на читатели и најновите текстови ќе ги добивате на вашата мејл адреса
Kултурно - уметничкото друштво “Српски вез“ со целовечерен концерт прослави една година постоење.
Во Центарот за култура “Трајко Прокопиев“ во саботата, публиката уживаше во богатата програма, ора и песни од Косово и Метохија и Шумадија. Пред присутните говореше претседателот на друштвото, Горан Стојковиќ кој истакнаа дека “Српски вез“ ќе прерасне во важна институција за Србите во овој дел од Македонија.
„Дамнешната желба на српските организации и поединци беше да се формира културно - уметничко друштво, кое ќе ја чува српската традиција и културни вредности. Таа идеја беше реализирана на 25 септември минатата година. Од “Српски вез“ ќе направиме установа која ќе биде гордост не само на српскиот народ, туку и на сите граѓани на Куманово“ - кажа Стојковиќ.
“Српски вез“ брои 90 - тина членови од различни возрасти, а за една година имаше неколку настапи во земјава и соседството.
„Бевме во Бугарија, Србија, во Куманово настапувавме, во Македонија. Голема благодарност до организаторите на оваа убава манифестација и се надевам дека ќе има уште многу вакви настани каде ќе се дружиме заедно и ќе собираме уште многу аплаузи и публика“ - вели Гордана Кузмановска, вокален солист во “Српски вез“.
На концерот гости беа Националниот ансамбал “Венац“ од Грачаница.