Одредени датумите на натперварите за ЕУРО 2012

 УЕФА на состанокот одржан во Минск го утврди календарот за Европското првенство што во 2012 година ќе биде одржано во Полска и Украина. Свеченото отворање ќе биде на 8 јуни во Варшава, додека финалето е предвидено за 1 јули во Киев. Полуфиналните мечеви ќе бидат реализирани во Варшава и Доњецк на 27 јуни додека средбите од четврфиналето ќе биде комплетирано во терминот од 21 до 24 јуни во Варшава, Гдањск, Доњецк и Киев. Најмногу натпревари вкупно пет ќе бидат реализирани на стадионите: Варшава, Киев, Доњецк, во четири наврати ќе се користи стадионот во Гдањск, а по три пати селекциите ќе бидат активни на стадионите во Вроцлав, Позњан, Лвов и Харков.