Пинк Пантери го посетија Загреб, во среда ја започнуваат сениорската сезона

Екипата на Пинк Пантери гостуваше со младите кошаркари родени 2002/2003. Првиот натпревар против своите врсници Пинк Пантери го одиграа против тимот на Цедевита каде што кумановскиот состав беше победи со резултат 92-87. Следниот ден во салата Дражен Петровиќ, Пинк Пантери по продолженија ја победија екипата на Цибона со резултат 84-80.

Го посетивме тренинг центарот на Цедевита за кој можеме да кажеме дека е најсовремен тренинг центар со 4 сали, по што го проследивме АБА дербито помеѓу Цедевита - Црвена Звезда. Следниот ден го посетивме музејот на Дражен Петровиќ, трофејните простории на Цибона и да младите играчи да се запознаат со големата историја на клубот. Со луѓето од Цибона и Цедевита е договорено соработката да продолжи и тие да биднат гости на нашиот традиционален турнир. Ова е уште едно меѓународно искуство на кумановските кошаркари - изјави директорот на клубот Бојан Златковски.

Тимот на Пинк Пантери оваа сезона започнува со натпреварите во Третата кошаркарска лига, а во среда во 20:30 ќе играат против тимот на Партизан Водно Санс.

Оваа сезона го правиме тој чекор кога од младинските категории преоѓаме во сениорска конкуренција. Немаме никаков резултатски императив, битно ни е нашите играчи да стекнат што поголемо искуство. Екипата е составена исклучиво од кошаркари кои ги имаат поминато младинските категории во Пинк Пантери. Се надеваме на успешна сезона. - додаде Златковски.

Натпреварот Пинк Пантери - Партизан Водно Санс се игра во среда во Спортската сала со почеток во 20:30.