Зачленете се во нашиот клуб на читатели и најновите текстови ќе ги добивате на вашата мејл адреса
Адми Шабан (23) од Куманово е осуден на 8 месеци затвор за кривично дело насилство, бидејќи пред 2,5 месеци со автомобил влета во кафе барот „Клуб„ на Градскиот плоштад во Куманово.
Осудениот во Судот се бранел дека делото го сторил откако се изнервирал затоа што газдата на кафулето го истерал од објектот. Наспроти него сопстевникот и сведоците тврделе дека никој не го малтретирал и покрај тоа што Шабан несакал да плати тоа што го испил.
Инцидентот се случи на 27 јуни годинава во 4 часот по полноќ, кога Шабан со свои четворица пријатели по неколку пиења излегол од угостителскиот објект, а потоа без причина се вратил со својот автомобил опел астра со швајцерски регистарски таблички преку плочникот на плоштадот со голема брзина влетал во бавчата. При тоа удрил во жардињерата и во првите маси кои биле празни и не повредил никој. Предизвикана е само матерјална штета.