Зачленете се во нашиот клуб на читатели и најновите текстови ќе ги добивате на вашата мејл адреса
Општина Куманово започна постапка за отстранување на времените објекти на улицата „11 Октомври“, над Градската џамија, со цел да создаде простор за поврзување со улицата „11 Ноември“.
Дислокацијата на објектите треба да ја изврши Агенцијата за стопанисување со стамбен и деловен простор во чија надлежност се бараките, кои се наоѓаат на јавна површина.
„Како што знаете уште на самиот почеток од мојот мандат најавив дека Општината планира да го отвори кракот од улицата „11 Ноември“. Ја отпочнавме постапката, но проблемот се јави со поранешен СИЗ кој стопанисува со тие објекти. Тие повеќе не склучуваат договори за закуп на објектите, но постапка оди премногу споро, бидејќи немаат средства за дислокација на објектите. Како и да е ние ќе преземе се што е во наша надлежност да ги дислоцираме времените обејкти, - изјави градоначалникот Максим Димитриевски.
Со поврзување на улиците „11 Октомври“ и „11 Ноември“ над Градската џамија се очекува да се намали гужвата во сообраќај кон Општата болница и да се отстрани тесното грло кое го создаваат возилата кои се движат кон населбата Бедиње и Липково.