Зачленете се во нашиот клуб на читатели и најновите текстови ќе ги добивате на вашата мејл адреса
Исчистени и продлабочени се поголем дел од речните корита и одводните канали во општините Куманово, Липково и Старо Нагоричане, заради заштита од поплави во престојниот период.
Според надлежните од АД „Водостопанство Кумановско -липковско поле“ досега се исчистени околу 16 километри од критичните точки.
- Последната активност е чистењето и проширувањето на речното корито на реката Пчиња, во близина на меморијалниот центар АСНОМ. Речниот корито е проширено 40 метри во должина од еден километар, а извршена е заштина на мостовите на реката Пчиња. На оваа локација секоја година имаше излевање на водата од речното корито, - информираат од претпријатието.
Исчистено е речното корито од Липково до село Опае. Потоа во бањата Стрновац, а се чистеше и прошируваше речното корито на потегот од селото Зубовце до Шупли Камен, како и одводните канали во селото Романовце и населбата Карпош.
Во наредниот период, екипи на претпријатието ќе работат на расчистување на каналите и речните корита во Клечовце на Крива река, во населбата Ајдучка Чешма и селата Зубовце, Шупли Камен и Тромеѓа.
Зачленете се во нашиот клуб на читатели и најновите текстови ќе ги добивате на вашата мејл адреса
