Зачленете се во нашиот клуб на читатели и најновите текстови ќе ги добивате на вашата мејл адреса
Филип Симоновски, дипломиран економист, е нов претседател на Унијата на млади сила на ВМРО-ДПМНЕ - општински комитет Куманово.
Тој денеска на прес-конференција се заблагодари на највисокото партиско раководство на довербата и го претстави својот тим.
“ Ние младите во Македонија треба да го кренеме нашиот глас против промена на нашето име Македонија и против наметнување на друг јазик на целата територија на нашата држава! Оваа држава останува на нас младите. Ние сме деца на мајка Македонија и ние сме тие кои треба да ја кројат нашата иднина, не Заеви и неговиот клан. Мојот тим е составен од млади и амбициозни луѓе кои ја сакаат својата татковина. Ги повикуваме сите млади луѓе во нашиот град да ни се приклучат и да дојдат во големото семејство на УМС, - изјави Симоновски.
Во раководството на младите во општинскиот комитет се Драгана Цаневска, секретар, потпретседатели Марко Додевски и Филип Стефановски и портпарол Кристина Петрушевска.
Симоновски доаѓа на местото на в.д. претседателот Никола Перовиќ.