Зачленете се во нашиот клуб на читатели и најновите текстови ќе ги добивате на вашата мејл адреса
Утревечер со почеток во 19.30 часот во изложбениот салон на Центар за култура “Трајко Прокопиев“ ќе биде отворена самостојна изложба на слики на академскиот сликар Ванчо Димоски од Охрид.
Изложбата содржи дваесеттина слики во техниката масло на платно и е насловена како циклус “Контрасти“. Оваа изложба е прво самостојно претставување на Ванчо Димоски во Куманово.
Ванчо Димоски (30) е роден во Охрид. Дипломирал на Факултетот за ликовни уметности во Скопје во класата на проф. Симон Шемов, отсек сликарство, насока конзервација и реставрација. Самостојна изложба реализирал во Охрид, а учествувал на групни во : Скопје, Истамбул, Охрид, Куманово и Струга. Изложбата во Куманово ќе биде поставена до 30 март.
Зачленете се во нашиот клуб на читатели и најновите текстови ќе ги добивате на вашата мејл адреса
