500x100-1
21. 05. 2018 09:00

Јовановиќ реизбран за претседател на Српска странка

Јовановиќ реизбран за претседател на Српска странка

   Мирослав Јовановиќ е реизбран за претседател на Српска странка во Македонија.

Делегатите на второто Изборно собрание дадоа целосна подршка на досегашниот претседател и избраа нов централен одбор, кој ќе ја води партијата во наредните 4 години.

„И во наредниот период со нашите коалициони партнери ќе работиме на подобрување на економската состојба во државата.  Истовремено ќе работиме и на подобрување на положбата на Србите во Република Македонија, бидејќи во моментот се на маргините. Во договор со претседателот на Србија Александар Вучиќ и премиерот Зоран Заев пред 4 месеци во Белград беше договорено да започнеме парцијално да ги решаваме проблемите, како што е образованието, култура и останатите проблеми кои ги засегаат граѓаните“, - изјави Јовановиќ.

Тој најави дека партијата во наредниот период ќе се шири и во останатите општини, а досега имаат 22 општински одбори. Истовремено работат и на поврзување со институциите во Србија, а најави подобрување на соработката и останатите српски партии во Македонија.

Претседателот на општинската организација Куманово, Небојша Ѓорѓевиќ вели дека за 4 годишниот период од формирањето на партијата имаат голема масовност и напредок во партијата.

„Имаме претставници во градскиот Совет, јавните претпријатија, ќе добиеме директор во основно училиште, така да работиме на зајакнување на српството во најголемата општина каде живеат Србите во Македонија. Односите со коалицијата се на високо ниво, - рече Ѓорѓевиќ.

На Изборното собрание присуствуваа претставници од СДСМ и другите коалициони партии. Присутните ги поздрави пратеничката Лидија Тасевскa.

Јовановиќ реизбран за претседател на Српска странка