Зачленете се во нашиот клуб на читатели и најновите текстови ќе ги добивате на вашата мејл адреса
Во Центарот за култура „Трајко Прокопиев“ вечерва во 20 часот концерт ќе одржи „Трио Џентлмен“.
Триото е составено од тројца оперски пеачи: Дејан Стоев- тенор, Кристијан Антовски-баритон и Дарко Нешовски-тенор. По урнекот на светските поп-класични состави се трудат тој жанр на пеење за прв пат да го презентираат и на нашите простори. На нивниот репертоар освен класичните композиции се наоѓаат и најголемите светски поп хитови изведени во поп-класичен манир, наполитански канцони, шпански песни, руски романси и секако македонското творештво.
За ова кратко време колку постојат (околу две години) имаат настапувано низ целата земја (Скопје, Охрид, Струга, Битола, Радовиш, Виница, Штип, Пробиштип и др.) со свои целовечерни концерти, како и, дел од големи манифестации во нашата држава, а и надвор од неа.
На програмата се: Adagio, Hallelujah, Senca Catene, Notte di luce, Nella Fantasia, Feelings, One night only, My Way, You raise me up, Unbreak my heart, La vida sin amor, Beautiful Maria of my soul, Caruso, Parla piu piano, Mamma son tanto felice.
Концертот ќе се одржи во малата сала на Центарот за култура.