Наташа Додевска освои две награди за фризури во Подгорица

На натпреварувањето учествувале 300 фризери од балканските земји, а таа беше единствена учесничка од Македонија во женска категорија.

„На едно место се собраа најдобрите фризери од Балканот, а натпреварот беше под покровителство на Светската фризерска асоцијација. Не можам да ви го опишам чувството да се најдете на едно толку престижно натпреварување и да добиете награда. Јас учествував во две дисциплини фризура за невеста и гала фризура. Освоив две награди и две дипломи за гала фризурата и за целокупниот стајлинг, - раскажува Наташа.

Таа додава дека на натпреварувањето не само што се претставувале себе си, туку и фризерите од Куманово и цела Македонија што и било мотив повеќе да работи посветено и да ја покаже нејзината креативност и знаење.

Искуството и е непроценливо за нејзината понатамошна работа и усовршување како фризер, бидејќи планира следните нејзини предизвици да бидат натпреварувањата во Белград, Милано и Париз.

Додевска е посебно задоволна од приемот на организаторите Фризерската асоцијација на Црна Гора и претседателот Зоран Вукчевиќ.  

Пред еден месец  Наташа освои две награди, две втори места за изработка на невестинска фризура и фантазија фризура на Меѓународниот саем на фризури во Скопје, во организиција на Македонската фризерска асоцијација.

Студиото „Нате“ се наоѓа на булеварот „Октомвриска револуција“,  работи од 2001 година, а наскоро ќе отвори Академија за фризери, прва во градот, која е лиценцирана од Министерството за образование.