Зачленете се во нашиот клуб на читатели и најновите текстови ќе ги добивате на вашата мејл адреса
Мојата визија се обединети граѓани, општество без поделби, сигурна и стабилна држава. Како ваш иден претседател ќе се грижам за сите подеднакво. Ќе се залагам за заедништво на сите граѓани независно од нивата националност, јазик, вера, социјална и друга определба, изјави кандидатот за претседател на СДСМ Стево Пендаровски, по денешната средба со претставиците на етничките заедници во Куманово.
„Јас силно верувам дека само обединети во различностите, можеме да одиме напред, кон подобра иднина, кон НАТО и ЕУ. Токму затоа ќе бидам претседател кој поттикнува заедништво и меѓусебно разбирање. Во мојот кабинет ќе има претставници од сите етнички заедници избрани според нивната компетентност и професионалност. Кабинетот на претседателот ќе го отсликува нашето мултикултурно општество, - изјави Пендаровски.
Најави дека остро ќе се спротивставам на секоја партија која ќе се обиде да прави меѓуетнички тензии и на сите политики кои повикуваат на поделби и конфликти.
„Помина времето на поделби и црни сценарија. Време е да продолжиме напред и заедно да изградиме силна земја, со обединети и рамноправни граѓани. Ова е тоа што ви го нудам. На 5 мај ги повикувам сите Албанци, Турци, Роми, Власи, Срби, Бошњаци, сите етнички заедници да излезат, да гласаат за заедничка и сигурна иднина, - заврши Пендаровски.
Зачленете се во нашиот клуб на читатели и најновите текстови ќе ги добивате на вашата мејл адреса
