Зачленете се во нашиот клуб на читатели и најновите текстови ќе ги добивате на вашата мејл адреса
На Градскиот плоштад во Куманово, поточно на шеталиштето пред Телеком, синоќа падна украсна канделабра со две светилки.
Се откорнал столбот што ги држи светилките, додека металната подгола останала зацврстена на тротоарот. Скршени се дел од стаклата на светилките, а откачена е електричната инсталација.
Не е познато дали некој намерно ја турнал канделабрата.
На социјалните мрежи граѓани кажуваат дека светилката сама паднала и за малку ќе удрила човек.
Синоќа беше многу фреквентно на градскиот плоштад, поради што граѓаните со љубопитство ја одминуваа канделабрата и коментираа.
Новите канделабри, клупи и кантички за отпад, Општината ги намести во октомври минатата година на повеќе локации во централното градско подрачје.
Зачленете се во нашиот клуб на читатели и најновите текстови ќе ги добивате на вашата мејл адреса
