Зачленете се во нашиот клуб на читатели и најновите текстови ќе ги добивате на вашата мејл адреса
“Пафта-украс од женски колан носија”, победи на конкурсот за избор на сувенир што го распиша Општина Куманово.
Пафта или тока е дел од традиционалната кумановска носија, рачна изработка на филигран со позлата на керамичко-пластична подлога. Наградата ја доби уметничкото студио „Сигнум“ кое се занимава со изработка на сувенири.
„На конкурсот пристигнаа 6 сувенири, а во конкуренција влегоа 5 експонати. Со одлука на жирито победи сувенирот пафта или тока од колан, со традиционални мотиви. Ние сме задоволни од квалитетот и верувам дека избравме автентичен сувенир на градот, - изјави Зоран Павловски, раководител на Секторот за даноци и економски развој.
Победникот ќе добие награда од 30.000 денари, а има обврска да достави одеден број на примероци од сувенирот согласно неговата проценета вредност во рамките на наградата.
Сувенирот ќе се користи за промоција на градот на домашни и странски делегации и гости, кои ја посетуваат општината Куманово.
Од Секторот најавуваат дека наредната година ќе биде распишан сличен конкурс заради развој на занаетчиството и изработка на автентични сувенири за кумановскиот крај, отварање на сувенирница и туристичко биро и потикнување и развој на туризмот во градот.