Зачленете се во нашиот клуб на читатели и најновите текстови ќе ги добивате на вашата мејл адреса
Министерката за труд и социјална политика Мила Царовска, денеска присуствуваше на приредба по повод почетокот на учебната година во градинската „Ангел Шајче„ во Куманово.
Посетата беше искористена да се сретна со вработените и да се запознае со условите за работа во градинката.
„Денеска сум тука на покана на директорката на приредба која ја спремиле дечињата.За мене како министер дополнително сакам да видам како оди работата во втора смена, како се условите во градинките„,- изјави министерката Царовска.
Директорката Марина Алексовска истакна дека секоја година за ново-промените деца од големите групи организираат мала приредба, со цел да ги поздравaт и да им посакаат добредојде во градинката.
„Голема чест ни направи што денеска дојде министерката да им посака добредојде на децата. Денеска сите заедно ќе им помогнеме што полесно во овој месец да се адаптираат во новата средина и нови услови со нови другарчиња. Да ги подготвиме и тие во наредните години да ги пречекуваат своите другарчиња,- изјави директорката Марина Алексовска.
На прославата присуствуваа градоначалникот, пратеници, советници, претставници од локалната самоуправа и гости .